Endókastið

12. Þáttur - Eydís og Gísli

Í þessum þætti fengum við til okkar þau Eydísi og Gísla. Gísli hefur sl. ár verið þingmaður hjá Pírötum og Eydís aðstoðað hann og þingflokkinn. Við fengum að heyra Endó sögu Eydísar auk þess talar Gísli m.a um hvað sé mikilvægt að hafa í huga sem yfirmaður einstaklings með endó, vera vel upplýstur og þekkja sjúkdóminn vel. Góð samskipti er algjört lykilatriði.

11. Þáttur - Jólakvöð

Í þessum þætti förum við yfir það hvað það fylgir jólunum oft mikil kvöð og auka streita sem getur triggerað enn meiri veikindi hjá langveikum einstaklingum. Verum vakandi og reynum að koma í veg fyrir það! Það má segja nei við jólaboðum.

10. Þáttur - TW! Kynferðisofbeldi

ATH þessi þáttur getur verið triggerandi. Við ræðum um kynferðisofbeldi og hvernig Endómetríósa er oft sögð vera vegna þess… alveg galið dæmi.

9. Þáttur - Guðfinna Birta, fyrrum framkvæmdarstýra Endósamtakanna

Í þessum þætti förum við um víðan völl. Við fengum að skyggnast inní endósöguna hennar Guðfinnu, sigrana hennar í starfi hjá Endósamtökunum ásamt því að heyra hennar draumasýn fyrir endósjúklinga. 
Þátturinn getur verið triggerandi.

8. Þáttur - Andlegi þátturinn - TW

Í þessum þætti förum við inná sprengjusvæði og ræðum mörg viðkvæm, erfið og ósanngjörn málefni. Allt frá baráttunni við ósýnileikann, gaslýsingunni sem við verðum fyrir og ófrjósemi.

7. Þáttur - Jón Ívar Einarsson

Við áttum frábært spjall við Jón Ívar sérfræðing í kvensjúkdómalækningum, allt frá pabbabröndurum yfir í framtíðina með Endó.

6. Þáttur - Spauglegu hliðar Endó

Allt það sem gæti verið vandræðalegt en við erum allar að eiga við eitthvað svipað svo afhverju ekki að hlæja bara saman? Það getur nefnilega líka verið dálítið skondið að vera með Endó þó það sé oft mjög sársaukafullt og ömurlegt. Munum bara að hafa gaman líka og njóta góðu augnablikanna.

5. Þáttur - Þetta eru ekki bara sárir túrverkir

Þátturinn þar sem við ræðum um allt nema sáru túrverkina. Einkennin sem oft er erfitt að ræða allt frá kúk yfir í kynlíf.

4. Þáttur - Anna Margrét, framkvæmdarstjóri Endósamtakanna

Anna Margrét Hrólfsdóttir framkvæmdastjóri Endósamtakanna kíkti til okkar i spjall um samtökin, persónulega lífið og mannréttindi almennt.Fræðandi, skemmtilegt en líka peppandi spjall við Önnu.
Við afsökum smá auka hljóð sem leynast í þættinum.

3. Þáttur - Hugarfar

Þátturinn þar sem við minnum okkur á að það má líða allskonar, komum með okkar reynslu og peppum lífið, sama á hvaða stað við erum stödd hverju sinni.