Endókastið

22. Þáttur - Við erum komnar til baka

Eftir stormasama byrjun á árinu þá erum við mættar aftur! Við erum að fyllast af orku aftur og það er margt spennandi framundan.

21. Þáttur - Axel og Tjörvi

Axel og Tjörvi hafa reynst samtökunum vel með sinni vinnu.Axel hannaði lógó samtakanna meðal annars og Tjörvi var myndatökumaður í myndinni okkar.Þeir eiga það sameiginlegt að vera líka aðstandendur kvenna með Endó.Skemmtilegt spjall með einlægum tón.

20. Þáttur - Sigga okkar, varaformaður Endósamtakanna

Sigga okkar varaformaður Endósamtakanna kom í spjall um samtökin og hennar sögu sem er átakanleg. Sigga talar hreint út um aðstoð sem hún fékk erlendis og gæti þátturinn því gagnast þeim sem vilja leita utan Íslands.

19. Þáttur - Alexandra, Orka kírópraktík

Alexandra er eigandi Orku kírópraktík. Hún hefur reynst mörgum endó konum vel. Við fengum hana í spjall um kíró, endó og það að elta draumana sína.

18. Þáttur - Lífið eftir legnám

Við höfum fengið spurningar frá konum sem eru á leið í legnám eða eftir legnám hvort allskyns sé eðlilegt eða við hverju megi búast.Hér fórum við yfir ferlið okkar beggja.

17. Þáttur - Steinunn Birta

Steinunn Birta Ólafsdóttir kom til okkar í spjall en hún er hjúkrunarfræðinemi og í varastjórn Endósamtakanna. Steinunn á sögu sem mögulega margar tengja við en hún er líka bjartsýn og leyfir ekki endó að stoppa hana þegar hún á góða tíma.

16. Þáttur - Velkomið nýtt ár!

Karen kveikti á markþjálfanum í sér og leiddi þennan þátt frábærlega! Mælum með fyrir markmiðasetningu fyrir árið. 

15. Þáttur - Mæður okkar komu í spjall. Arnrún María og Guðrún Birna.

Heitt kakó og smákökur, laufabrauð og jólaöl ?Þetta er akkúrat þátturinn fyrir það, við fengum mömmur okkar í dýrmætt spjall þar sem við ræddum allt frá uppvexti þeirra yfir í ófrjósemina okkar vinkvennana. Einlæg, erfið en dýrmæt hlustun.
Vonandi eigi þið gleðilega og verkjalausa hátíð.

14. Þáttur - Er ég aumingi? Jólaboðin

Stuttur þáttur sem gæti verið akkúrat það sem þú þarft að heyra fyrir komandi hittinga um hátíðarnar ❤ mundu eftir þér.

13. Þáttur - Kata kvenheilsu sjúkraþjálfari

Loksins kom hún elsku besta Kata til okkarkvennheilsusjúkraþjálfinn sem við vitnum svo oft í.Í þættinum er rætt um grindabotns heilsu kvenna og karla, hvernig endó hefur áhrif á grindabotninn og allt það helsta sem ber að hafa í huga.sannkallaður grindabotn 101 klukkutími.